Энэ дэлхийн хамгийн залхмаар зүйлүүдийн нэг бол яриангүй уулзах болгондоо хэзээ найз залуутайгаа сүй тавьж, хамт амьдарч, дараа нь гэрлэж, хүүхэдтэй болох талаар асууж шалгааж суудаг хэрэгт дуртай хөрш болон хамаатнууд тань. Ийм үед бидэнд өөрийн эрхгүй л энэ нэг л хэвийн тогтсон алхмуудын дагуу амьдрах ёстой юм шиг санагдах үе гардаг. Гэвч бидний мэдэх маш олон одод энэхүү тогтсон үзэл баримтлалын эсрэг тууштай зогсож, хүссэнээрээ амьдарцгааж байна.
Саяхан л гэхэд Big Bang Theory цувралын царайлаг бүсгүй Кейли Куоко найз залуутайгаа дөнгөж анхны болзооны дараагаас л хамт амьдрах болсон бөгөөд 3-хан сарын дараа гэхэд аль хэдийн сүй тавьж амжижээ. Мөн английн кино од, загвар өмсөгч Сиенна Миллэр Найолон сэтгүүлд өгсөн ярилцлагандаа “Амьдрал маш богинохон. Бид амьдралынхаа ихэнх хугацааг бусад хүмүүс бидний тухай юу гэж бодох бол гэж санаа зовсоор хүссэн зүйлээ хийж чаддаггүй. Бараг бүх л хүмүүс эмэгтэй хүнийг 30 нас хүрэхээсээ өмнө хүнтэй сууж, хүүхэдтэй болох ёстой гэдэг. Гэвч би үүний эсрэг бодолтой байна” гэжээ.
Эндээс нэг зүйлийг бид ойлгох хэрэгтэй. Хэнд ч бидний юу хийх, хэзээ гэрлэж, хүүхэдтэй болох гээд амьдралын чухал шийдвэрүүдэд маань нөлөөлж, зааварлах эрх байхгүй. Энэ бүхэн бидний л сонголт, шийдвэр байх ёстой. Гэхдээ үнэхээр гэрлэж, хүүхэдтэй болоход яг тохирох нас гэж байдаг юм болов уу?
Олон жилийн өмнө хосууд гэрлэхээсээ өмнө хамтран амьдрах нь буруу зүйл гэж үздэг байсан. Тухайлбал ”Гэрлэлт болон гэр бүл сэтгүүл”-н 1992 онд хийсэн судалгаагаар гэрлэхээсээ өмнө хамт амьдарч байсан хосуудын гэрлэсний дараах сэтгэл ханамж аажмаар буурдаг бөгөөд тэдгээр гэр бүлийн ойролцоогоор 46% нь салдаг гэж дүгнэж байжээ.
Гэвч орчин үеийн судлаачид дээрх үзлийн эсрэг байр суурьтай байна. Тэд хэлэхдээ хосууд гэрлэхээс өмнө хамтран амьдрах нь гэр бүл салалтанд огтхон нөлөөлдөггүй бөгөөд өмнө нь энэ талаар хийгдэж байсан судалгаанууд зөвхөн эрт гэрлэсэн залуу хосуудыг хамарч байсан учраас ихээхэн учир дутагдалтай гэжээ.
Тэгвэл хамтран амьдрахад хамгийн тохиромтой үе хэзээ вэ? 2006-2010 оны АНУ-ын Үндэсний Гэр Бүлийн судалгаанаас харахад ихэнх 25-29 настай бүсгүйчүүд найз залуутайгаа хамтран амьдарснаас хойш 3 жилийн дараа гэрлэлтээ батлуулдгийг тогтоожээ.
Дүгнэлт: Гэрлэхээсээ өмнө хамтрах амьдрахад буруу зүйл огтхон ч үгүй. Гэхдээ 25 нас хүртлээ гэрлэх гэж яарах хэрэггүй. Учир нь эмэгтэй хүн 25 наснаас төлөвшиж өөрийн гэсэн тогтвортой гэр бүл үүсгэх чадвартай болдог. Мөн гэрлэх хүнтэйгээ өмнө нь хамтран амьдрах нь чухал хэдий ч энэ нь таны л шийдэх хэрэг.
Маш олон эмэгтэйчүүдийг гэрлэх нас нь өнгөрчихвий гэж эмээцгээдэг. Принстоны их сургуулийн судлаачид эмэгтэй хүн их сургуулиа төгстлөө гэрлэх гэж яарах хэрэггүй гэж зөвлөж байна. 2013 оны АНУ-н Статистикийн Газар-н судалгаагаар эмэгтэйчүүдийн гэрлэлтийн дундаж нас нь 27, эрэгтэйчүүдийн дундаж нас нь 29 гэнэ. Гэхдээ үүгээрээ таныг заавал энэ нас хүртлээ гэрлэж болохгүй гэсэн үг биш. Харин энэ наснаас эхлээд ирээдүйн ханиа хайж эхлэх нь илүү тохиромжтой байдгийг шинжлэх ухаан баталж байна.
Тухайлбал Пью судалгааны төвийн судалгаа 23 наснаасаа өмнө гэрлэсэн хосуудын хожим салах эрсдэл нилээд өндөр байдгийг, мөн Улс Төрийн Сэтгүүлийн судалгаа гэрлэх нас ахих тусам гэр бүл салах эрсдэл багасдгийг тус тус тогтоожээ. Учир нь хүн тодорхой насанд хүрч бие хүн болж төлөвшнөөр илүү бат бэх харилцаа үүсгэх чадвартай болдог, үүнд боловсролын түвшин ч мөн хамааралтай. 2013 оны Гэр Бүлийн Судалгаа ч мөн хосууд их сургуулиа төгссөний дараа гэр бүлээ батлуулах нь зүйтэй гэж үзсэн байна.
Мөн хосуудын нас, боловсролын түвшингээс гадна гэр бүл болохоосоо өмнө хэр их хугацааг хамт өнгөрүүлсэн нь ирээдүйн гэр бүлийн харилцаанд нь ихээхэн нөлөө үзүүлдэг байна. Гэрлээд 3-с дээш жил болсон 900 оролцогчийг хамарсан Dissertation Abstracts International судалгаагаар гэрлэхээсээ өмнө удаан хугацаанд хамт байсан хосуудын дунд гэр бүл салалт маш ховор байдгийг олж мэдсэн байна.
Бас нэгэн сонирхолтой зүйл бол эмэгтэй хүн 30 нас хүртлээ гэрлэлтээ хойшлуулснаараа нилээд давуу талыг олж авдаг байна. Тухайлбал 30 настай, дээд боловсролтой, ганц бие эмэгтэйчүүд эрт гэрлэсэн эмэгтэйчүүдээс жилд $18,000-р илүү орлого олдог бөгөөд харьцангүй бие даасан, хүчирхэг байдаг.
Дүгнэлт: Аз жаргалтай гэрлэлтэнд хүрэх яг таг хугацаа, тогтсон нас гэж үгүй. Гэхдээ дээрх судалгаанууд гэрлэсэн аз жаргалтай эмэгтэй дор хаяж коллежоо дүүргэсэн, 20 гаран настай, гэрлэхээсээ өмнө нилээд хугацааг (багадаа 6 сар) хостойгоо өнгөрүүлсэн байдгийг баталж байна.
Шинээр гэрлэсэн хосууд ихэнхдээ жил гаруйн дараагаас хүүхэдтэй болох талаар бодож эхэлдэг бөгөөд юуны өмнө хөл дээрээ бат зогсох гэж хичээцгээдэг. Гэвч сонирхолтой нь гэрлэхээсээ өмнө хүүхэдтэй болсон хосууд илүү удаан хугацааны бат бөх харилцаатай гэр бүл (15-аас дээш жил) болдгийг 2012 оны Үндэсний Эрүүл Мэндийн Статистикийн төв харуулжээ. Гэхдээ л хүүхэдтэй болохтой зэрэгцээд маш их зардал гарна гэдгийг бас бодолцох хэрэгтэй.
Зарим эрдэмтэд хүүхэдтэй болох гэж яарах нь хосуудын ирээдүйн харилцаанд тийм ч сайн зүйл биш гэж үзэж байна. Судалгаагаар гэрлэхээсэээ өмнө хүүхэдтэй болох нь хосуудын харицаанд харин ч сөргөөр нөлөөлдөг гэж үздэг. Мөн хэт эрт буюу өсвөр насандаа хүүхэдтэй болох нь маш их асуудлыг үүсгэдэг бөгөөд ихэнх тохиолдолд залуу ээж нар ахлах сургуулиа ч дүүргэлгүй тэтгэмжээс хамааран амьдрах шаардлагатай тулгардаг. Энэ нь эргээд маш сөрөг үр дагаваруудыг үүсгэхэд нөлөөлдөг.
Мэдээж, хэзээ хүүхэдтэй болох нь эмэгтэй хүний биеийн онцлогоос ихээхэн хамаардаг. Мэргэжилтнүүдийн үзэж буйгаар ойролцоогоор 35 насандаа хүүхэдтэй болох нь тохромжтой гэж үздэг. Үнээс хойш таны өндгөн эс боловсрох нь удаашрах бөгөөд бага зэрэг асуудалтай болж ирдэг. Гэхдээ Нөхөн Үржихүйн Судалгаа 40 насандаа хүүхэдтэй болсон эмэгтэйчүүдийн 65% нь маш амжилттай байдгийг тогтоосон. Иймээс та заавал 40 наснаасаа өмнө хүүхэдтэй болохгүй бол яана гэж санаа зовох шаардлагагүй юм.
Дүгнэлт: Судалгаанаас харахад гэрлэсний дараа хүүхэдтэй болох нь илүү роматик бөгөөд санхүүгийн хувьд ч таатай үе. Мөн эмэгтэйчүүд эрүүл мэнддээ байнга анхаарснаар хожуу төрөлтөнд санаа зовох шаардлагагүй болжээ.